Scout Veles | Создаваме подобар свет

Проект на УСАИД за граѓанско општество

2012-05-16T14:16:03+00:00

На 16.5.2012 год. (среда) во просториите на Ликовниот салон, во организација на Фондацијата Отворено општество – Македонија (ФООМ) во Велес, беше организирана работилница за преставување на објавениот конкурс за доделување грантови на граѓански организации во рамки на Проектот на УСАИД за граѓанско општество. Проектот обезбедува поддршка за граѓанското општество за поттикнување демократски реформи. Проектот е овозможен со поддршка од американскиот народ преку Агенцијата на САД за меѓународен развој (УСАИД). Целта на конкурсот е да обезбеди поддршка за граѓански организации од Република Македонија преку следните два вида грантови:

Извиднички средби - Пелинце 2012

2012-05-14T09:16:23+00:00

На покана на извидничкиот одред “Скаут“ од Куманово, две патроли на извидничкиот одред “Димитар Влахов“ од Велес земаа учество на меѓународните средби на извидници - Пелинце 2012. Овие средби на извидници се одржа на терените на меморијалниот центар АСНОМ во селото Пелинце и тоа во периодот од 11-13 мај оваа година. Натпреварите се организираа во областа на топографијата и ориентацијата во непознат терен, полигонски натпревари, прва помош и сигнализација. На средби учествуваа од Македонија и Република Србија.

Правда за Велес - Правда за Игор

2012-05-09T18:46:13+00:00

Активистот на Зелената коалиција, Игор Смилев влезе во судот. Нему денеска му се суди по приватната тужба на директорот на Метрудхем, Тони Димитриевски. Велешани со подршка за Игор. „Дојдовме да му дадеме подршка на Игор", "Игор се бореше за здрава животна средина за сите нас, затоа денеска сум тука, да кажам дека и јас сум Игор" . Трите мото клубови од Велес се со Игор бидејки тој неговореше во свое име тој го искажа ставот на сите нас", велат случајно анкетираните велешани. На првото рочиште недојде тужителот Димитриовски. „Мојот клиент не се чуствува безбеден затоа и тој нема да присуствува на рочиштето, ова е приватна тужба против Смилев а не против Зелената Коалиција", рече Коста Нојков,
адвокат на тужителот.

39ти Меморијал “Марко Граорковски“

2012-04-22T18:26:14+00:00

На покана на извидничко поречанскиот одред “Јадран“ од Скопје, осум извидници на извидничкиот одред “Димитар Влахов“ од Велес земаа учество на 39 меѓународен меморијал “Марко Граорковски“. Овој меморијал се одржа на терените на општина Петровец во Катлановска Брезица и тоа во периодот од 20-22 април оваа година. Натпреварите се организираа во областа на топографијата и ориентацијата во непознат терен, полигонски натпревари,прва помош. На овој мегународен меморијал учествуваа следните одреди и тоа: ИО “Илинден“, ПСИО, ИО “Браќа Миладиновци“, ИПО “Галеб“ и ИО “ММ-Брицо“ од Скопје, ИО “Крсте Јон“ од Струга, ИО “Скаут“ од Куманово, ИО “Гоце Делчев“ од Св.Николе, ИО “Димитар Влахов“ од Велес и извидници од Република Србија. На овој меѓународен извиднички меморијал во категоријата извидници првото место го освоија извидниците од ИПО “Галеб“ од Скопје. Покрај ова имаше организирано и натпревари за помлади извидници.

Заедно за природата

2012-04-22T18:05:24+00:00

На покана на г-ѓа Нина Маркова директорка на ООУ “Петре Поп Арсов“, од Богомила, на 21.4.2012 год. (сабота), извидничкиот одред “Димитар Влахов“ од Велес зема учество на патрониот празник на училиштето кое се одржа во подрачното училиште во с. Извор. Манифестацијата се организираше под мотото “Заедно за природата“. Во рамките на програмата имаше и промоција на дневниот центар за лица со инвалидност кој треба да започне да работи во нас. Чашка и дегустација на традиционална храна. На програмата од страна на нашиот одред учество зема старешината Ангелче Гушев.

Честит Велигден !!!

2012-04-14T07:58:41+00:00

Членовите на извидничкиот одред “Димитар Влахов“ од Велес на сите извидници од православна вероисповед, на сите наши пријатели и на сите наши одредски поддржувачи им ги честита престојните Велигденски празници со желба за мир и благосостојба.

Честит Велигден - Христос воскресе !

Старешина на ИО Димитар Влахов - Велес
проф. Ангелче Гушев

Woodbages ознака

2012-04-06T18:37:11+00:00

Првата вудбеџ ознака била направена од монистри земени од ѓердан што припаѓал на главен зулу водач со име Dinizulu, која што Баден Пауел ја нашол за време на неговиот престој во Зулуленд во 1888.Сите дополнителни детали за оваа ознака од дрво која што има историска вредност а е и популарна и широко распространета кај извидниците во Светот во системот на образование можета да го видите тука.

Топографија

2012-03-10T21:34:41+00:00

Во овој прилог ке ви преставиме една презентација за Топографија. Истата можете да ја искористите при обука на вашите членови на патролата. Може да ви биде тема за патролна средба... Презентацијата ја изработи Бојан Миклош, водач при извиднички одред “Димитар Влахов“ од Велес. Материјалот можете да го видите тука .

Волерс сака во Велес да се работи и еколошки здраво да се живее

2012-03-08T21:25:52+00:00

САД и амбасадорот Пол Волерс ги поддржуваат велешани во борбата против рестартот на Топилницата. „ Желбата секогаш е да има вработување, здрава економија, луѓето да имаат работа, но тие треба да работат во здрава животна средина, а не на сметка на уништувањето на здравјето на децата“, вели Пол Волерс, амбасадор на САД во Македонија. Оваа изјава амбасадорот Волерс ја даде откако денеска при првата посета на Велес, на негова иницијатива, се сретна со Зелената коалиција. „Многу значајно за нас е што претставникот на најдемократската земја во светот и даде поддршка на Зелената коалиција и на градот Велес“, рече д-р Ненад Коциќ, Зелена коалиција на Велес. Американскиот амбасадор искажал воодушевување за еколошката свест на велешани и за организираноста да спречат ново загадување на градот од Топилницата. „Тој рече за првпат откако сум во Македонија сретнав организирана и најквалитетна група на граѓани кои знаат како да настапат и да го променат ставот на Владата во државата“, дополни Ангелче Гушев, Зелена коалиција на Велес. Изненаден што досега од него и од САД велешани не побарале помош амбасадорот Волерс ги понудил својот авторитет и лобирање. Денеска негов домаќин беше градоначалникот Горан Петров кој го запознал со историските културните и економски предности на Велес. Амбасадорот Волерс ја посети и првата американската населба што во градот ја гради НВО Хабитат, засега како единствената американска инвестиција во Велес.

Убавка Јаневска

Превземено од www.kanal5.com.mk

Честит 8 март !!!

2012-03-07T19:02:47+00:00

Старешинството и Советот на водачи на извиднички одред “Димитар Влахов“ од Велес, на сите припаднички од понежниот пол им го честита Мегународниот ден на жената 8ми Март.

Старешина на ИО “Димитар Влахов“

Ангелче Гушев

Еднодневен хајк

2012-03-04T18:18:08+00:00

Старешинството на извидничкиот одред “Димитар Влахов“ од Велес и советот на водачи на одредот, реализирајќи ја одредската прогарама за работа за 2011/2012 год., на 3.3.2012 год. (недела) организираа еднодневен хајк до месноста “Крстот на Св.Илија“ и манастирот “Св.Илија“. На овој еднодневен хајк учество земаа три патроли, дел од старешинството и постари членови на одредот. Покрај хајкот патролите реализираа и програмски активности кои се дел од нивните патролни програми.

Презентација на Бусола М-53

2012-03-01T11:01:41+00:00

Рачната бусола М-53 е наменета за ориентација и мерење на хоризонтални и вертикални агли, одржување на правец на движење и слично. Се состои од два главни дела и тоа дело на бусолата кое го чинат неподвижна плоча и подвижен прстен и поклопец на бусолата. Наведените делови имаат низа други ознаки и елементи со специјална фунгционална намена. На неподвижниот дел од телото на бусолата на трите ивици се гравирани линиар со милиметарска поделба и координометар. Подвижниот дел од телото на бусолата се состои од кружна кутија во која е сместена магнетната игла, а на кружниот прстен се изгравирани ознаки за страните на светот и поделци во илјадити (со вредности од 0-50 а целата скала 6400 илјадити) на горната и степени мод 0-360 степени на долната страна. Поклопецот на бусолата од внатрешната страна е опремен со огледало и со процеп за визирање. На левата и десната страна од страните на поклопецот, се наоѓаат процепи за мерење позитивни и негативни вертикални агли. Целосната презентација на рачната бусола М-53 изработена од извидникот Бојан Миклош, истата можете да ја најдете тука.